{"id":505,"date":"2026-03-09T17:30:21","date_gmt":"2026-03-09T17:30:21","guid":{"rendered":"https:\/\/magnews.al\/?p=505"},"modified":"2026-03-09T17:30:23","modified_gmt":"2026-03-09T17:30:23","slug":"ke-po-genjen-e-albana-barcit-balada-qe-i-jep-ze-zhgenjimit-te-gruas","status":"publish","type":"post","link":"https:\/\/magnews.al\/index.php\/2026\/03\/09\/ke-po-genjen-e-albana-barcit-balada-qe-i-jep-ze-zhgenjimit-te-gruas\/","title":{"rendered":"\u201cK\u00eb po g\u00ebnjen?\u201d e Albana Bar\u00e7it, balada q\u00eb i jep z\u00eb zhg\u00ebnjimit t\u00eb gruas"},"content":{"rendered":"\n

Me nj\u00eb z\u00eb t\u00eb ve\u00e7ant\u00eb dhe nj\u00eb prezenc\u00eb q\u00eb nd\u00ebrthur ndjeshm\u00ebrin\u00eb me forc\u00ebn, Albana Bar\u00e7i<\/strong> vjen me nj\u00eb balad\u00eb q\u00eb prek plag\u00ebt e heshtura t\u00eb shum\u00eb grave. \u201cK\u00eb po g\u00ebnjen\u201d nuk \u00ebsht\u00eb thjesht nj\u00eb k\u00ebng\u00eb dashurie e humbur, por nj\u00eb reflektim mbi zhg\u00ebnjimin, realitetin dhe dinjitetin e gruas q\u00eb edhe kur rr\u00ebzohet, di t\u00eb ngrihet s\u00ebrish. N\u00eb k\u00ebt\u00eb intervist\u00eb, Albana flet p\u00ebr mesazhin e projektit, emocionin pas interpretimit dhe planet e saj artistike n\u00eb vazhdim.<\/p>\n\n\n\n

-Albana, \u201cK\u00eb po g\u00ebnjen\u201d \u00ebsht\u00eb nj\u00eb titull q\u00eb ngjall menj\u00ebher\u00eb kuriozitet. Kujt i drejtohet kjo pyetje n\u00eb k\u00ebng\u00eb, vetes, dikujt konkret apo nj\u00eb fenomeni m\u00eb t\u00eb gjer\u00eb n\u00eb marr\u00ebdh\u00ebnie?<\/strong><\/p>\n\n\n\n

\u2013 Pyetje shum\u00eb e fort\u00eb dhe e bukur. Q\u00eb nga titulli \u201cK\u00eb po g\u00ebnjen\u201d \u00ebsht\u00eb shprehur gjith\u00e7ka. Kjo k\u00ebng\u00eb nuk \u00ebsht\u00eb p\u00ebr mua personalisht, por n\u00eb p\u00ebrgjith\u00ebsi p\u00ebr dik\u00eb q\u00eb beson n\u00eb dashuri, por zhg\u00ebnjehet dhe k\u00ebrkon qet\u00ebsi p\u00ebr t\u2019u larguar nga kjo g\u00ebnjesht\u00ebr. Si\u00e7 \u00ebsht\u00eb fjala, realiteti \u00ebsht\u00eb i hidhur, por mbetet realitet.<\/p>\n\n\n\n

\u201cK\u00eb po g\u00ebnjen\u201d nuk ka t\u00eb b\u00ebj\u00eb personalisht me mua, por me gruan, me femr\u00ebn n\u00eb p\u00ebrgjith\u00ebsi. P\u00ebr gra q\u00eb jan\u00eb t\u00eb lidhura me nj\u00eb partner, mendojn\u00eb dhe d\u00ebshirojn\u00eb t\u00eb krijojn\u00eb di\u00e7ka t\u00eb bukur n\u00eb jet\u00eb dhe kur p\u00ebrballen me realitetin mbeten t\u00eb zhg\u00ebnjyera. Ato gra, kur p\u00ebrjetojn\u00eb k\u00ebto zhg\u00ebnjime, t\u00ebrhiqen, mbyllen n\u00eb vetvete dhe duan t\u00eb q\u00ebndrojn\u00eb sa m\u00eb larg k\u00ebsaj dhimbjeje, p\u00ebr ta harruar dhe p\u00ebr ta jetuar jet\u00ebn n\u00eb m\u00ebnyr\u00ebn e tyre. Sidoqoft\u00eb, gruaja edhe pse bie, ngrihet s\u00ebrish.<\/p>\n\n\n\n

-\u00c7far\u00eb historie fshihet pas k\u00ebtij projekti? Kush \u00ebsht\u00eb marr\u00eb me realizimin e tij?<\/strong><\/p>\n\n\n\n

\u2013 Pas k\u00ebtij projekti fshihet Aurel Thellimi, krijuesi i k\u00ebng\u00ebs, ishte ideja e tij p\u00ebr t\u00eb b\u00ebr\u00eb p\u00ebr mua nj\u00eb balad\u00eb dashurie, nj\u00eb humbje dashurie. Ai ishte i sigurt q\u00eb kjo balad\u00eb do t\u00eb prekte shum\u00eb zemra t\u00eb l\u00ebnduara.<\/p>\n\n\n\n

Dhe n\u00eb fakt, targeti i tij m\u00eb p\u00ebrfshiu edhe mua. Edhe un\u00eb jam fem\u00ebr dhe si \u00e7do fem\u00ebr tjet\u00ebr kam pikat e mia t\u00eb zhg\u00ebnjimit n\u00eb jet\u00eb. Rrall\u00eb ndodh q\u00eb nj\u00eb grua t\u00eb mos jet\u00eb zhg\u00ebnjyer n\u00eb jet\u00eb, megjithat\u00eb secila e p\u00ebrjeton n\u00eb m\u00ebnyr\u00ebn e saj. N\u00eb nj\u00eb marr\u00ebdh\u00ebnie \u00ebsht\u00eb dashuria, investimi n\u00eb koh\u00eb, p\u00ebrkushtim, dhe kur zhg\u00ebnjehesh e nuk t\u00eb kthehet sinqeriteti pas, \u00ebsht\u00eb e pamundur t\u00eb mos l\u00ebndohesh.<\/p>\n\n\n\n

Teksti dhe muzika jan\u00eb nga Aurel Thellimi, orkestrimi nga Mario Bregu. Ky organizim mes tyre solli k\u00ebt\u00eb k\u00ebng\u00eb kaq t\u00eb bukur. Ishin t\u00eb mendimit q\u00eb balada jeton n\u00eb koh\u00eb dhe n\u00eb k\u00ebt\u00eb pik\u00eb edhe un\u00eb isha shum\u00eb dakord me ta. Shpresoj t\u00eb kem p\u00ebrcjell\u00eb mir\u00eb k\u00ebt\u00eb mesazh p\u00ebrmes k\u00ebng\u00ebs sime.<\/p>\n\n\n\n

\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n<\/figure>\n\n\n\n

-N\u00eb klip vihet re nj\u00eb atmosfer\u00eb e fort\u00eb emocionale. Sa e r\u00ebnd\u00ebsishme ishte p\u00ebr ty q\u00eb mesazhi t\u00eb p\u00ebrcillej jo vet\u00ebm p\u00ebrmes z\u00ebrit, por edhe p\u00ebrmes imazhit?<\/strong><\/p>\n\n\n\n

\u2013 N\u00eb fakt q\u00eb n\u00eb fillim, fjala \u201cm\u00eb prit pak\u201d t\u00eb rr\u00ebnqeth shpirtin, sikur i lutesh. Sapo nisa ta k\u00ebndoja, m\u00eb p\u00ebrshkoi nj\u00eb ndjenj\u00eb trishtimi, por n\u00eb t\u00eb nj\u00ebjt\u00ebn koh\u00eb nj\u00eb ndjesi force ndaj figur\u00ebs s\u00eb gruas.<\/p>\n\n\n\n

Kjo k\u00ebng\u00eb t\u00eb b\u00ebn pjes\u00eb t\u00eb saj\u00ebn p\u00ebrmes tekstit, por edhe p\u00ebrmes interpretimit. P\u00ebr mua ishte shum\u00eb e r\u00ebnd\u00ebsishme q\u00eb emocionin ta p\u00ebrcillja jo vet\u00ebm me z\u00eb, por edhe me imazh, me gjuh\u00ebn e trupit, me atmosfer\u00ebn q\u00eb e rrethon projektin.<\/p>\n\n\n\n

-Si e p\u00ebrshkruan evolucionin t\u00ebnd artistik me k\u00ebt\u00eb k\u00ebng\u00eb? \u00c7far\u00eb sjell ndryshe Albana n\u00eb k\u00ebt\u00eb projekt krahasuar me publikimet e m\u00ebparshme?<\/strong><\/p>\n\n\n\n

\u2013 Krahasuar me projektet e tjera, k\u00ebt\u00eb her\u00eb m\u00eb karakterizon qet\u00ebsia e fituar me koh\u00ebn. Dhimbjen e p\u00ebrcjell me m\u00eb shum\u00eb ndjeshm\u00ebri. Edhe simbolika e veshjes me ngjyr\u00ebn e zez\u00eb ishte pjes\u00eb e k\u00ebtij evolucioni, nj\u00eb reflektim i brendsh\u00ebm, nj\u00eb pjekuri artistike.<\/p>\n\n\n\n

-Albana, \u00e7far\u00eb roli ka muzika n\u00eb jet\u00ebn t\u00ebnde t\u00eb p\u00ebrditshme? A \u00ebsht\u00eb ajo nj\u00eb ndjesi q\u00eb t\u00eb shoq\u00ebron n\u00eb \u00e7do moment?<\/strong><\/p>\n\n\n\n

\u2013 Muzika, k\u00ebnga mua m\u00eb ka ndryshuar jet\u00ebn. Un\u00eb zgjohem me muzik\u00eb n\u00eb mendje dhe e d\u00ebgjoj gjat\u00eb gjith\u00eb koh\u00ebs. \u00cbsht\u00eb pjes\u00eb e p\u00ebrditshm\u00ebris\u00eb sime, e m\u00ebnyr\u00ebs si mendoj dhe si ndjej. Mundohem t\u00eb dhuroj buz\u00ebqeshje dhe pozitivitet tek njer\u00ebzit dhe k\u00ebt\u00eb gj\u00eb ma sjell vet\u00ebm k\u00ebnga.<\/p>\n\n\n\n

-Ti thua q\u00eb k\u00ebnga t\u00eb jep frym\u00eb dhe jet\u00eb. \u00c7far\u00eb do t\u00eb thot\u00eb kjo p\u00ebr ty n\u00eb planin personal dhe emocional?<\/strong><\/p>\n\n\n\n

\u2013 Un\u00eb k\u00ebng\u00ebn nuk do ta l\u00eb e as do ta ndaloj ndonj\u00ebher\u00eb. M\u00eb jep frym\u00eb, m\u00eb jep jet\u00eb. A ndalohet fryma dhe jeta? Jo. Ja pra pse e dua k\u00ebng\u00ebn kaq shum\u00eb. \u00cbsht\u00eb pjes\u00eb e qenies sime, \u00ebsht\u00eb energjia q\u00eb m\u00eb mban gjall\u00eb shpirt\u00ebrisht.<\/p>\n\n\n\n

-Sa e r\u00ebnd\u00ebsishme \u00ebsht\u00eb p\u00ebr ty t\u00eb p\u00ebrcjell\u00ebsh buz\u00ebqeshje dhe pozitivitet p\u00ebrmes muzik\u00ebs?<\/strong><\/p>\n\n\n\n

\u2013 \u00cbsht\u00eb shum\u00eb e r\u00ebnd\u00ebsishme p\u00ebr mua. Un\u00eb mundohem q\u00eb p\u00ebrmes k\u00ebng\u00ebs t\u00eb jap emocione t\u00eb mira, t\u00eb dhuroj drit\u00eb dhe pozitivitet. Kur shoh q\u00eb njer\u00ebzit buz\u00ebqeshin apo ndihen m\u00eb mir\u00eb fal\u00eb muzik\u00ebs sime, at\u00ebher\u00eb ndiej q\u00eb kam arritur q\u00ebllimin tim.<\/p>\n\n\n\n

-Sa e hapur je ndaj bashk\u00ebpunimeve dhe \u00e7far\u00eb duhet t\u00eb pres\u00eb publiku nga projektet e tua t\u00eb ardhshme?<\/strong><\/p>\n\n\n\n

\u2013 Sigurisht q\u00eb po. Un\u00eb jam si \u201cmin\u00eb me sahat\u201d. Edhe pse p\u00ebr t\u00eb sjell\u00eb projekte t\u00eb reja k\u00ebng\u00ebtar\u00ebt kan\u00eb nevoj\u00eb p\u00ebr mb\u00ebshtetje, un\u00eb jam shum\u00eb k\u00ebmb\u00ebngul\u00ebse dhe kur nis nj\u00eb projekt apo pun\u00eb, e arrij pa diskutim. Bashk\u00ebpunime patjet\u00ebr, me shum\u00eb k\u00ebnaq\u00ebsi. Jam e hapur p\u00ebr bashk\u00ebpunime. N\u00ebse k\u00ebt\u00eb her\u00eb erdha me balad\u00eb, k\u00ebnga tjet\u00ebr do t\u00eb jet\u00eb natyra ime lozonjare e shprehur p\u00ebrmes muzik\u00ebs, me veshjet q\u00eb m\u00eb karakterizojn\u00eb, me ngjyra dhe plot jet\u00eb. Dua q\u00eb publiku t\u00eb shoh\u00eb energjin\u00eb time t\u00eb plot\u00eb n\u00eb projektet e ardhshme.<\/p>\n\n\n\n

\n